يا ذيب مدري كيف ابوصف حالتـك يالمنـزوي=والهاشميـه فـي طـرف عيـنـي ولا دنيتـهـا

البارحــه والجوع مس الذيـــب يـوم انـه يعـــوي=علـى سنـام طويـق والقـمـره وراه بليتـهـا
اخايلـه واقــول واعــــزي لحـالــــك يالـقـــوي=اللي تنقى فـي سمـان الفطـح لا مـن جيتهـا
واللـــي باساميـــــــك يتقلـدهــــا الخــــــــوي=مـع الخـويوالعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي=والوجبـه الحيـه تعشـاهـا وتـتـرك ميتـهـا
الجوع لو يدفعـك للمـوت الذحـاح المستـــــوي=حشمت نفسك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي=وخطاك مـن دون المغـازي مـا بعـد سجيتهـا
يا ذيب يا ذيب الخلا اللي ليلك يـروح ســــروي=مـا بيـن مرحـان الشواويـه لـيـا عشيتـهـا
يا موجل(ن) قلب حضري يا موجل(ن) قلب بدوي=ياللـي تشيّـم خـوة الرجلـيـه ان خاويتـهـا
عامر خوي الذيب في عصر الفـوات المنطــــوي=وقصتك فـآذان العـرب واليـا طـرت لبيتهـا
نحر ذلول(ن) مـن وصايفهـا شحمهـا مرتـــــــوي=لعيـون خوتـك الفريـده والبقـا فـي صيتهـا
يـا ذيــب يكوينـي قنيبـك لا توحّيتــــــه كـــوي=على غشـاش الكبـد والخطـوه عمـد رديتهـا
مدري غبى مدري ذكى مدري تسـرع فوضـوي=لكن خطواتي علـى الهيبـه مـا قـد ضريتهـا
ياذيب عزك في زمان السيف مـن قبـل يهــوي=وقبـل زمـان العولـمـه للـنـاس وآتيكيتـهـا
وقبل يغيب المنطـق الحسـي ويبقـى المعنـوي=والغيـره تـوزع تجمّعـهـا عـلـى تشتيتـهـا
وقبـل النوايـا المستقيمـه ماتـعـاج وتلـتـــوي=والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي=والهاشميـه فـي طـرف عيـنـي ولا دنيتـهـا
لا جيث ابرثي حالتـك ضـاع الكـلام اللغـــــوي=والمفـردات اللـي تجملـنـي لـيـا عديتـهـا
والهاجس اللي كـل مـا فليـت حويـه ينحـــوي=وافكـاري اللـي تتعـب الخافـق ليـا هليتـهـا
واخـاف لا تكمـل وينحـاك النزيـف الدمـــــوي=وابقى علـى قـول المثـل خميتهـا واخطيتهـا
ياذيب واقنب خـل صوتـك يـدوي العالـم دوي=مـادام خانتـك الظـروف الله يخـرب بيتـهـا